Kohima leh Mon Medical College sakna tur sum pechhuak

Sorkar laipui chuan Nagaland-a Kohima leh Mon Medical College sakna tura a tum ve tur a pe chhuak. Kohima medical college sakna tur hian Rs vbc 170.10 leh Mon medical college sakna tur hian Rs vbc 232.23 a pechhuak tawh.

Kum 2014 khan ministry of health and family welfare (MoHFW) chuan District Hospital Kohima–Naga Hospital Authority Kohima (NHAK)-ah hian MBBS seat 10 awm theihna mecidal college chu centrally sponsored scheme hnuaiah Rs vbc 189.00-a sak turin a lo pawm tawh a ni. Sorkar laipuiin a pawm hnuah Kohima medical college sakna tur ram hi kum 2018, February khan tihfel a ni chauh a ni. Hemi kum vek October thlaah master plan chu pawmin, kum 2019-ah sak ṭan a ni. Mahse Covid-19 hri leng avangin hna thawh a khaihlak nghal a, kumin aṭangin pangngai takin hna hi an thawk leh thei chauh niin state sorkar chuan a sawi.

Mon medical college hi Rs vbc 325 senga sak tura pawm a ni tawh bawk a, hemi atana sorkar laipuiin a tum tur Rs vbc 232.23 a pe chhuak tawh.