Meghalaya-a lirthei chesualah mi 17 an thi

Meghalaya-a West Khasi Hills district-ah Pathianni khan truck chesualah mi 17 an thi a, mi dang ṭhahnem takin hliam an tuar.

Police-te chuan truck-ah hian mi 70 chuang an chuan thu sawiin, Nonglang khua an pan laiin an chesual ta tih an sawi. Mitthi te ruang hi Jadohkroh khuaah lak a ni a, hliam tuarte pawh hospital-ah dahluh nghal an ni a, an zinga mi 62 chu an na hle tih an sawi. West Khasi Hills police-te chuan thi zat hi an la putbelh theih thu an sawi. Truck hi a tlan chak hle niin an sawi a, kawngpui hungna a su a ni. Lirthei khalhtu lakah hian Indian Penal Code leh Motor Vehicles Act tlawhchanin thubuai ziahluh nghal a nih thupolice official chuan a tarlang.

Meghalaya Home Minister H.D.R. Lyngdoh chuan chetsualna thleng chu pawi a tih thu sawiin, thi chhungte leh hliam tuarte chu a tawrhpui thu a sawi. Chetsualna thlen dan kimchang chu chhui a nih tur thu a sawi bawk.