Manipur : Shirui Lily festival hmang

Manipur-a Ukhrul district-ah Nilaini aṭang khan ni li awh, state level Shirui Lily Festival chu hman a ni. Covid-19 hri leng avanga kum hnih chhung festival hi an hman tawh loh hnuah Shirui khuaa Heritage Center Vangayan-ah an hmang leh thei ta a ni.

Manipur governor La Ganesan leh chief minister N Biren Singh chuan festival hawnna inkhawm hi an hmanpui.

He festival hi Manipur tourism department leh Ukhrul district bakah Shirul village authority-te thawkhoin an buatsaih a ni.

Governor Gansan chuan Manipur sorkarin state flower, Shirui Lily a humhalh chu fakin, he festival katlang hian he pangpar dangdai tak chanchin hi mipuiten chiang zawkin an hre thei a ni, a ti. Kumtina Shriui Lily Festival buatsaih chu khualzinte hipna ṭha tak, hmasawnna thlentu a ni, tiin a sawi.

Shirui Lily hi pangpar vang tak niin, Ukhrul district-a Shirui tlang chhipah chauh hmuh tur a awm.

Chief minister N Biren Singh pawhin thu sawiin, Minority Affairs, PMJVK scheme hnuaiah Bakshi ground chei ṭhatna leh Shirui Heritage Village sakna turin state sorkar chuan Rs vbc 460 a sanction tawh thu te, project thawh hna hi ṭan thuai a ni dawn tihte a sawi.