Sikkim sorkarin vawk zawrh a khap

Sikkim sorkar chuan North Sikkim district-ah vawk hri, African Swine Fever (ASF) hmuh anih avangin state chhungah vawk hralh chhuah a khap a ngai tih Nilaini khan a sawi.

Thla hnih liam ta chhung khan hri vang hian state chhung hmun hrang hrangah vawk 117 an thi a ni.

Animal husbandry department secretary, Dr P Senthil Kumar chuan mipuite chu vawksa insum turin a chah. North Sikkim district-a vawk sample an enfiah aṭangin ASF kai hmasa ber hi February 29 khan hmuh chhuah a ni, a ti. He virus avanga vawk thi theihna hi 20% vel a ni a, mahse Sikkim-ah chuan vawk thi zat hi 1% a la ni, a ti.

State sorkar chuan vawk hri darh tur veng hian theihtawp a chhuah mek a, state pumah awareness programme te pawh a buatsaih tih Dr Kumar chuan a sawi bawk.