Tripura-a assembly bial 4-a by-election neih hun tur puang

Election Commission of India chuan Tripura-a assembly bial pali-a by-election neih hun tur a puang.

Heng bial palite hi hun eng emaw chen dah awl a ni tawh a, Nilaini khan ECI chuan Agartala, Town Bordowali, Surma leh Jubarajnagar assembly bialah hian June 23-ah inthlan buatsaih a nih tur thu a puang a ni.

ECI chuan June 23-ah bial paliah vote thlakin, June 26-ah vote tlate hi chhiarin result puan nghal a nih tur thu a sawi. By-election neih tur atana hriattirna hi May 30-ah tihchhuah a ni ang.

Inthlana chuh tumte tan June 6 thleng nomination paper a thehluh theih dawn a, June 9 thleng inhnuhdawh theih a ni dawn bawk.

Political party hrang hrangte chu by-election neih tur atan hian an campaign reng tawh a, nakkumah state assembly inthlan neih a nih dawn vangin heng by-election neih tur hian dinhmun lo enlawkna atan a pawimawh dawn hle a ni.