Assam CM-in tea garden-a model school-te a hawng

Assam chief minister Himanta Biswa Sarma chuan Nilaini khan Sonitpur district-a tea garden area-a model school, Adarsha Vidyalayas paruk a hawng a, tea garden area tana zirna lamah hunbi thar a inhawng ta, a ti.

Ghagra, Rupajuli, Sonajuli, Thakurbari leh Phulbari tea garden-ah school-te hi hawngin, "India independence hnua a vawi khatna turin, thingpui huana thawk fate pualin school siam a ni ta," tiin a sawi.

State sorkar chuan tea garden tan model school hi 119 siam a tum a, heng zinga 96 chu kumin session aṭangin hawn ṭan tum a ni bawk. Kum 2020, November thla khan model school 119 sakna tur lungphum hi phum a ni tawh a, heng school sakna senso atan hian Rs vbc 142.50 ruahman a ni.