NSF-in CAA duh lohna resolution pass turin ngen

Naga Students' Federation (NSF) chuan Nagaland sorkar hnenah vawiin aṭanga ṭan tur, 13th Nagaland Legislative Assembly session-ah Citizenship Amendment Act (CAA) duh lohna resolution pass turin a ngen. 

Chief minister Nei­phiu Rio hnena memo­randum an theh­luhah, NSF president Ninoto Awomi leh general sec­retary Liremo R Kikon chuan CAA hi an duh loin an pawm thei lo tih an sawi a, he dan hian dan loa an state-a ramdang mi luhna tur kawng a hawng dawn a, hmarchhak leh Nagaland state-te chu chimral an ni mai dawn a ni, an ti. 

State sorkarin Nagaland chu Inner Line Permit (ILP) system hmanna a nih avangin CAA hian a nghawng buai ve dawn lo nia a sawi pawh an pawm thei lo tih zirlai pawl chuan a sawi bawk. 

NSF chuan CM hnenah House-ah CAA chungchang hi sawi ho tura chhawpchhuak tur leh, mipuiten an aiawh tura an thlante nen an sawiho hnuah he dan sawisel hlawh tak hi an duh lohna resolution pass ngei turin an ngen tih a sawi.