Guwahati University-ah Brahmaputra study centre din dawn

Development of North East Region (DoNER) Minister Jitendra Singh chuan, sorkar laipui hmalak­nain Guwahati University-ah Brahmaputra lui zirchianna tur study centre din a nih tur thu Thawhlehni khan a sawi.

DoNER minister Jiten­dra Singh chuan, Rajiv Gandhi Indian Institute of Management (RGIIM), Shillong-ah sorkar laipui chuan A.P.J. Abdul Kalam Centre for Policy Research and Analysis a lo din tawh tih sawiin, Guwahati University-ah Brahmaputra study centre din turin ruahmanna siam a ni, a ti. Centre hi peihfel a nih hunah chuan Brahmaputra lui zirchianna mumal zawk a awm thei dawn tih a sawi. Hei hi Act East Policy tihlawhtlinna pakhat a nih thu sawiin, Bio­diversity, Organic Food Basket, Bamboo Mission leh Horti­culture lama hmalakna kawng khat a nih thu a sawi bawk.

Jitendra Singh chuan sorkar laipuiin hmarchhak hmasawnna a ngaih pawi­mawh thu sawiin, hmasawn­na tur kawng hrang hrang duan mek zel a ni, a ti. Hmar­chhak ṭhalaiten infiamna lama hma an sawn leh zual theihna turin Prime Minister, Narendra Modi chuan Manipur-ah Sports University din a lo tiam tawh tih a sawi bawk.