Manipur water resources minister-in lui hrang hrang enfiah

Manipur water resources and relief & disaster management minister, Awangbow Newmai chuan Ningani khan Imphal area-a lui leh a kamte a enfiah. Heng zingah hian Nambul leh Iril luite pawh a tel a, tuilian danna siamṭhat dan turte a en a ni.

Minister chuan Water Resource Department-in lui kam siamṭhat hna an thawh tur thu sawiin, hemi kawngah hian mipuite chu thawhpui turin a sawm nghal bawk.

Manipur-a ruahsur nasa avangin Imphal valley-a luite chu an lian nasa hle a, hlauhawm chhinchhiahna an pel vek a ni. Hmun hniam lamte chu tui hian a chim nasa bawk a, hei bakah ruahsur vangin hmun tam takah lei a min a, nunphung a tibuai hle a ni.