Meghalaya BJP hruaituin eiruk chungchangah CM debate neihpuiah cho

Meghalaya BJP hruaitu Bernard Marak chuan Meghalaya chief minister Conrad K Sangma chu eiruk chungchanga debate neihpuiah a cho a, sorkar sum tihchingpen nia sawi chungchanga chu Central Bureau of Investigation (CBI) chhuitir ngam lohah a puh bawk.

BJP hi rorellai, National People's Party (NPP) kaihhruai Meghalaya Democratic Alliance (MDA) ṭangrual sorkarah a tel a, mahse tun hnaiah NPP lakah hian an lungawi vak lo a, Garo Hills-ah NPP chuan BJP chu eptu pawl angah a dah niin an puh. CM Sangma pawhin BJP chu MDA sorkar an thlawpna hnuhdawk turin an zalen reng a ni tiin a sawi a, hei hian BJP hi a tilungawi lo zual a ni.

Bernard Marak chuan, "Eirurkna thleng leh, BJP-in sum tihchingpen nia a sawi hrang hrangte chhui tura CBI kohluh a ṭul chungchangah debate kan neih a ngai. BJP hi thih dik lo taka tihna aṭang hlawkna tel tura MDA-a tel a ni lo, thil dik lote dodal tur zawkin a awm a ni. Debate nei tura ka chona che hi i pawm ngei ka beisei. BJP chuan eirukna thleng chungchang hi a ngawihpui mai dawn lo. CM Conrad pawhin CBI chhuitir a duh lohna chhan chu mipui hriatah a sawilan a ngai a ni," a ti.