Meghalaya dome chim dan IIT-Guwahati-in chhui dawn

Meghalaya Assembly building thar sak meka a chung mum, dome chim chungchang chu Indian Institute of Technology Guwahati (IITG)-in a chhui dawn tih chief minister Conrad K Sangma chuan a sawi.

Assembly-a High Powered Committee chuan dome chim chungchang hi pawn lam mi chhui chian tir a lo remti tawh a ni.

CM Sarma chuan IIT Guwahati team hi an state-ah an kal thuai tur thu sawiin, steel dome chungchang leh a chim dante chu an zirchiang dawn a ni, a ti. An thil chhuinaah hian state sorkar, designer leh contractor-te pawn an inrawlh dawn lo tih a sawi bawk. Thil awmdan dik tak hrechiang turin an report peih hun chu nghak tur leh, mahni duhthua thutlukna lo siam a, tu tu emaw lo dem ngawt mai lo turin mipuite a ngen bawk.

New Shillong Township-a Assembly building thar sakna project hi UP-based firm UPNRRN Ltd pek a ni a, kum 2019 aṭang khan sak ṭan niin kumin July thlaah zawh hman tura tih a ni. Building-ah hian a chung mum, steed dome ton 7-a rit dah a ni bawk a, mahse dah a nih hnu lawkah a chim a ni.