Meghalaya sorkar kutah ASAK hruaitu inpe

Meghalaya sorkarin hun rei tak man tuma a lo zawn tawh, A’chik Songna An’pachakgipa Kotok (ASAK) hruaitu Reading T. Sangma alias Saljapang chu Ningani khan sorkar kutah a inpe. Sangma hi ASAK-ah hian commander-in-chief a ni a, South Garo Hills district leh Bangladesh border-a pawikhawihna hrang hrang thlengah a bultumtu berah ngaih a ni. 

A rual hian a hnungzuitu mi pasarihte chu sorkar kutah an inpe ve bawk a ni. Helte hian Meghalaya sorkar kutah hian HK-rifle, HK magazine leh ralthuam dang ṭhahnem tak an pe lut a ni.