Manipur-a bomb puakah mi 1 thi, mi 4 in hliam an tuar

Manipur-a Thoubal district-ah nimin zing khan improvised explosive device (IED) nia hriat a puak a, mi pakhat a thi a, mi dang paliin hliam an tuar.

Police-te chuan Khongjom area-a community hall-ah zing dar 1.14 velah mi tu tih hriat lohten IED hi an tipuak tih an sawi a, he hmuna community hall water tank siam hna thawktu, Koya leh GCKC company hnuaia thawk, non-Manipuri te an riak a ni. Thi leh hliamte hi hnathawktu vek niin, thi hi West Bengal mi, Pankaj Mahato (21) a ni.

Police-te chuan bomb tihpuah chhan hi hriat a ni lo a, thil thlen dan chiang zawka enfiah turin pawikhawihna thlenna hmunah hian forensic leh bomb disposal team pawh tirh nghal an ni bawk. Khongjom police station-ah thubuai ziah luh nghal a ni.