Tripura police-te laka action la turin phut

Tripura journalist-te chuan kar liam ta Inrinni khan Tripura police-ten warrant engmah nei lo chunga local TV news channel editor in an dap sak chu an dem thu sawiin, police-te chunga action la turin thuneitute an phut tih an sawi.

Agaratala leh Khumulung press club-te chuan police-te hi editor inah hian kalin, a chhungte pawh an tibuai niin an sawi. He thila inhnamhnawiha police-te laka action la ngei tura phutin superintendent of police (west) pawh an hmu nghal tih an sawi a ni. Thil dik lo titute chungah action lak a nih loh chuan, journalist tam zawkin lungawi lohna an lantir dawn tih an sawi bawk.

Hetih lai hian Jirania sub-divisional police officer Himadri Prasad chuan tu in mah dap a ni lo tih a sawi thung a, "Motor bo chungchanga complaint kaihhnawihin mi ṭhenkhat chu zawhna kan zawt a, mahse tu in mah kan dap lo," a ti. Hemi chungchangah hian complaint pawh engmah an dawn loh thu a sawi bawk.

Local media rights pawl, Assembly of Journalists chuan Tripura-ah hian kum hnih liam ta chhungin media mi leh sa tihnawmnahna ṭum 39 a awm niin an sawi.