Meghalaya sorkarin GST hmang ṭan dawn

Meghalaya Governor Banwarilal Purohit chuan, taxation department chu a taka Goods and Services Tax (GST) kalpui turin a inpeih tawh tih a sawi.

Meghalaya asembly budget session chu kar kalta Zirtawpni aṭang khan ṭan a ni a, ṭan ni hian Governor chuan thu sawiin, GST hmang turin taxation department a inpeih tawh tih a sawi. Purohit chuan GST chuan diesel, motor spirit leh zu aṭanga chhiah lakah nghawng a neih loh tur thu a sawi a, a man pangngaia hralh chhuah a ni ang, a ti. GST hman a nih hnuah kum khata chhiah aṭanga state sorkar sum hmuh chu 15% vela a pun beisei a nih thu a sawi.

Mipuiten Meghalaya Passenger & Goods Taxation Act hnuaia chhiah an pek ṭhin chu online-a kalpui tum a nih thu sawiin, awlsam zawk leh ṭha zawka kalpui tum a ni, a ti. Supreme Court-in National leh State Highway kama zu zawrh khapna tichhuak mah se excise department-in chhiah a lak chu a tlem phah loh tur thu a sawi. Hetih lai hian Indian-Made Foreign Liquor (IMFL) beer leh zu man chu tihsan a nih tur thu a sawi bawk.