EC-in BJP lakah FIR thehlut

Election Commission (EC) chuan Manipur assembly election neih hma ni, kar kalta Zirtawpni-a an pawmpuina la hmasa lo a BJP Manipur unit-in newspaper-ah advsertisement an chhuah avangin FIR a thehlut.

Chief Electoral Officer chuan, Section 188 of IPC tlawhchhanin BJP state unit office-bearer-te lakah FIR hi thehluh a nih thu sawiin, advertisement chhuahtu newspaper lakah pawh thubuai thehluh anih thu a sawi. EC hriatpuina tel loa advertisement chhuah chu Representation of the People Act, 1951 bawhchhiatna a nih thu sawiin, thubuai thehluh a ni, a ti. EC chuan party hrang hrangte chu state-level MCMC committee pawmpuina tel loa advertisement chhuah khap a nih thu hi a lo hriattir tawh a ni.

Advertisement hi local newspaper - Sangai Express, Poknapham, People’s Chronicle, Naharolgi, Thoudang, Imphal Free Press, Echel Express leh Huiyen Lanpao-te'n an tichhuak a, an lakah hian thubuai ziah luh a ni bawk.