BJP president-in Manipur tlawh dawn

BJP national president JP Nadda chuan December thla aṭang hian ni 120 thangin ram chhung hmun hrang hrang tlawh kual a tum a, December 13-14 hian Manipur-ah kal a tum. 

JP Nadda hian a hmain December 1-2 ah Imphal hi tlawh a tum a, mahse a zin hun hi a sawn hla leh tih in-charge Manipur BJP Sambit Patra chuan a sawi. 

Patra hi Nilaini khan Imphal-ah kalin, BJP president-in an state a tlawh huna a hun hman dan turte chu state leh district unit BJP hruaitute a sawipui. 

District level unit president-te chu state unit president Prof S Tikendra nen meeting an neihpui a ni. 

Kum 2024 LOk Sabha inthlanpui neih tur atana inbuatsaihna leh party thuam chakna turin BJP president hian ram chhung state hrang hrang tlawh kual a tum a, inthlanpui neih hnuhnung bera an party chet ṭhat tawk lohna bialte chu ngaih pawimawh zual a tum a ni. 

December thla tir aṭangin a zin chhuak ṭan dawn a, Uttarakhand state a tlawh hmasa ber ang. 

State tin tlawh kualin, party MP leh MLA te bakah party chhunga pawl hrang hrang aiawhte a kawmkual bawk dawn a ni.