Tripura CM-in VIP kal vanga mipui tibuai lo turin hrilh

Tripura chief minister Dr. Manik Saha chuan traffic police-te hnenah VIP kal vangin kawngpuia mipuite chetvelnaah harsatna thlen lo turin a hrilh.

Chief Minister chuan, "State sorkar chuan mipui nawlpui, kea kalte chu a ngaihtuah a ni. Mipuite chu kan dah pawimawh hmasak ber an ngai. VIP convoy a tlan avangin traffic police-te chuan kea kalte leh mipui nawlpuite tan harsatna an siam phah tur a ni lo," a ti.

Dr Saha hian Thawhṭanni tlai lama Agartala-a BJP headquarters aṭanga Banamalipur-a a haw lamah, traffic police-ten CM convoy tlan vanga kawngpuia motor dangte an lo tihdin vek a hmuh avangin he thu hi a sawichhuak a ni.

Chief Minister atana lakluh a nih tukah khan Dr Saha hian a protocol security pawh titlemin, a convoy pawh motor panga chinah a lo titlem tawh bawk.