AP cabinet-in state startup policy a pawm

Arunachal Pradesh cabinet chuan state chhunga start-ups chawilarna tur leh, entrepreneurial ecosystem puihna turin Arunachal Pradesh Startup Policy a pawm.

He policy hmang hian kum nga chhungin a tlem berah startup thar kum nga chhungin 250 tal tana kawng hawn a, state chhunga direct leh indirect hmanga eizawnna kawng siam an tum a ni.

Policy mumal leh ṭha tak hmanga local startups te theihtawpa puih a, Arunachal Pradesh chu khawvel huap pawha innovation leh entrepreneurship tana hmunpui atana siam chhoh chu an tum tih Chief Minister Office chuan a sawi. State sorkar hian programme leh hmalakna hrang hrang hmangin start-up ecosystem tihchangtlunna tur hian hma a la chho mek a ni.

Chief minister Pema Khandu kaihhruaia cabinet meeting hian Civil Police leh Arunachal Armed Police Battalion (AAPBn)-a constable-te special grade, Head Constable pek rawtna a pawm bawk. Hei hi constable, kum 20 chhung service-te hnenah pek theih a ni ang.

Sorkar school-a zirtirtute tana Modified Assured Career Progression (MACP) kalpui rawtna chu cabinet hian a pawm bawk. Sorkar school-a zirtirtute hian Time Bound Promotion Scheme hnuaia promotion ṭum hnih chauh an neih theih ṭhin chu MACP hnuaiah ṭum thum an nei thei dawn a ni.