Assam : Sports sector infrastructure atan Rs vbc 1,000 ruahman

Assam sorkar chuan state chhungah sports sector hnuaia infrastructure tihchangtlunna atan cheng vaibelchhe 1,000 a hmang dawn tih sports and youth welfare, cultural affairs minister Bimal Borah chuan nimin khan a sawi.

Bimal Borah chuan,"Chief minister Himanta Biswa Sarma kaihhruai sorkar hian state chhunga sports sector tihhmasawnna turin kawng hrang hrangin hma a la mek a ni," tiin district level-ah sports complex 10 siam a ni dawn a, pakhat siamna atan hian Rs vbc 50 vel ruahman a nih thu a sawi a ni.

"Heng bakah hian assembly constituency 40-ah multipurpose stadium sak kan tum bawk a, stadium pakhat siamna atan hian Rs vbc 12 vel zel ruahman a ni. Hna thawh mek niin, project hrang hrangte hi kum hnih chhungin zawh fel vek an ni ang,"a ti.