Manipur HC-in Kawng dan titawp turin UNC-te hriattir

Manipur High Court chuan United Naga Council (UNC)-te'n tiam chin awm loa National Highway (NH) an dang chat chu dan kalh a nih thu sawiin, titawp turin Thawhṭanni khan a hriattir.

HC chuan NH-2 leh 37 dangtute chu man turin thupek a chhuah a, security force-te chu hma la turin a ti. Sorkar laipui chu security force company 72 tirhluh belh turin a hriattir bawk a, hmun hrang hrangah duty tam zawk dah turin a ti a ni. Hei bakah hian Manipur sorkar chu mipuite mamawh lakkhawm kawngah nasa zawka hma la turin a hriattir a, oil leh thil dangte chu tam zawk chawlut turin a ti bawk.

Manipur High Court chuan UNC-te chu assembly election thawh hnihna neih hmna ngeiin, NH an dah chah mek titawp turin hian a hriattir a ni. Vawiin hian inthlan thawh hnihna hi neih a ni ang.