Assam DSP thih dan chhui dawn

Assam-a Deputy Superintendent of Police (DSP) Sadananda Hazarika chu, Guwahati-a Beharbari-ah Pathinni zan khan lirthei chesualah a boral a, a thih dan hi chhui chian a ni dawn.

Hazarika hi an chuanna motor leh truck insuah a boral a, chetsualna hi National Highway 37-a thleng a ni. Criminal Investigation Department (CID)-a DSP nilai a ni a, cheng vaibelchhe 700 eiruk thubuai chhui mektute zinga mi a ni. He eiruk thubuaiah hian chief minister hlui Tarun Gogoi leh Congress sorkar laia sorkar mi pawimawh eng emaw zat hming a lang a ni. Agriculture Department hnuaiah sum tam tak tihchingpen a ni a, hei hi chhui zui mek a ni.

Assam Chief Minister Sarbananda Sonowal chuan Thawhṭanni khan DSP Sadananda Hazarika thihdan chu chui chian a nih tur thu a lo sawi tawh a, Police DGP Mukesh Sahay chu hma la tura tih a ni.