BJP Mega Rally : Assam leh AP CM-te'n telpui dawn

Assam Chief Minister Sarbananda Sonowal leh Arunachal Pradesh Pema Khandu-te chuan, Bharatiya Janata Party (BJP) buatsaiha Tripura khawpui Agartala-a Mega Rally neih tur chu an telpui dawn. He hun hi BJP general secretary Ram Madhab pawhin a hmanpui ang.

Rally hi March 10 hian Agartala-a Vivekananda Ground-ah neih a ni ang. Hei hi BJP Tripura unite-te'n an party mi leh sa Chanmohan Tripura thihdan CBI chhui tir an phutna lantir nana an buatsaih tur a ni. Chanmohan thihdan chu CBI chhui tir an phut thu an lo sawi tawh a, state sorkarin an thil phut a tihhlawhtlin mai loh avangin rally hi an buatsaih dawn a ni. Assam CM Sonowal leh Arunachal CM Khandu-te chuan an tel tur thu an tichiang tawh a ni.