Assam Police-te'n AASU Office beitu man

Assam police-te chuan Silapathar-a All Assam Students Union (AASU) office suasamtua puh mi pasarih an man.

AASU office suasam tua puh man te hi Akhil Debnath, Ajit Debnath, Shankar Das, Dilip Debnath, Sanjib Das, Joydeep Das leh Kriti Purkayastha-te an ni a, Nilaini khan man an ni. Hetihlai hian office suasam a nih chungchanga a bultumtu bera puh mi pahnih - Nikhil Bharat Bangali Udbastu Samanvay Samiti leh Subodh Biswas-te chu zawn mek an la ni.

Deputy Speaker Dilip Pal chuan AASU office suasam hi a dem thu sawiin, a hmunah kalin a enfiah tawh a ni. Office hi Hindu Bengali refugee, Nikhil Bharat Bangali Udbastu Samanvay Samiti-te chuan tunkar tir lam khan an suasam a ni.