Manipur-ah zin chhuahna nei lo hri kai thar awm

Manipur-ah Thawhṭanni khan state pawn lama zin chhuahna nei lo, mi panga in hri an kai tih hriat chhuah a ni a, an vaiin healthcare worker an ni. 

Covid-19 hmuh chhuah te hi Bishnupur-a district hospital-a medical doctor pahnih leh nurse pakhat bakah, Churachandpur district-a quarantine centre-a nurse pahnih an ni. 

Manipur-a hri kai hmuh tawh hi mi 898 an ni tawh a, an zinga 250 chu an dam tawh a ni. Hri kai an pun belh zel avangin sorkar pawhin sample test a tam thei ang neih tumin hma a la a, ni khatah sample 1,000 chuang an test tawh a ni.