Shillong-ah total lockdown puang

Meghalaya sorkar chuan state khawpui, Shillong-ah  ni hnih, vawiin leh naktuk hian total lockdown a puang. 

Chief minister Conrad K Sangma chuan Shillong-ah ni hnih chhung total lockdown kalpui a nih tur thu hi Inrinni zan khan a puang a, Thawhṭanni zing dar 6 aṭanga July 15 zing dar 6 thleng curfew puan a ni, a ti. Lockdown puan a nih chhan hi hri darh tur venna atana ti an nih thu CM chuan a sawi a, Shillong-a hri kai hmuh chhuah thar an awm belh zel avang leh, heng hri kaiten an lo hnimhnaih tawhte zawnchhuah hun atana tih a ni bawk. 

CM chuan Inrinni khan an state-ah Covid-19  kai hmuh chhuah thar mi 76 an awm thu a sawi bawk a, heng mite nen hian hri kai hmuh chhuah tawh hi mi 312 an tling tawh a, an zinga mi 45 chu enkawl dam an ni tawh.