BSF-te'n Indo-Bangla Border-ah leiverh hmuchhuak

Border Security Force (BSF) chuan Meghalaya-a India-Bangladesh border-ah leiverh an hmuchhuak.

Leiverh hi hel tamna South West Garo Hills dis­trict huam chhungah hmuh a ni a, lei hnuai feet 20 - 25 velah verh a ni. BSF offi­cial-te chuan leiverh hi Gujangpara area-ah hmuh a nih thu an sawi a, hei hi an ngaih thutak hle tih sawiin, dan loa Bangladesh aṭanga India luhna tura sial a nih an rin thu an sawi. Inspector General, BSF in-charge Meghalaya frontier P.K.Dubey chuan, International border paltlanga leiverh chu dan kalh a nih thu sawiin, Bangladesh aṭanga dan loa bawng chawkluh tum­na a nih theih thu a sawi bawk.

BSF official-te chuan he leiverh hi an tlawh thuai dawn tih sawiin, chhui chian a nih tur thu an sawi. Lei hi metre 200 vel zeta thui verh a ni tawh a, hei hi West Garo Hills leh South West Garo Hills district-te tan a him tawk lo niin an sawi bawk. Leiverh hi Constable Amit Kutre leh Puneet-te'n an hmuhchhuah a ni. Meghalaya leh Bangladesh inrina hi km 443 zeta thui a ni a, hel chetna a hluar bakah, dan loa ralthuam tawlh, bawng leh ruihhlo hmanga sumdawnna te a hlaur hle a ni.