Assam Assembly-in Cotton Varsity Bill pass

Assam legislative assembly chuan Cotton University Bill, 2017 chu Ningani khan a pass.

Cotton University Bill, 2017 hi Assam-ah Cotton University din a nih theih nan duan a ni a, House-ah sawiho a nih hnuah pass a ni ta a ni. Education minister Himanta Biswa Sarma chuan, Cotton University dinna tur bill pass a ni ta chu lawmawm a tih thu sawiin, India ram mai ni lo khawvel huapa Univesrsity ṭha ber te zingah chhiar tel anih theihna turin hma lak a ni ang, a ti. Tun hnaiah Cotton College leh Cotton College State University (CCSU) inkara buaia a awm avangin, tihtawp tuma hma lak a nih tur thu a sawi. Hemi atan hian high-powered expert panel din a ni dawn tih sawiin, hma lak thuai a ni ang a ti bawk. Panel hi Tezpur University Vice chan­cellor, Mihir Kanti Chau­dhuri chuan a ho dawn a ni.

Education minister Sarma chuan Cotton Univer­sity dinna tur hian state sorkar chuan cheng vaibelchhe 500 a rua­hman tih a tarlang bawk.