Tripura-ah Covid-19 vangin mi pahnih thi awm tawh

Tripura state-ah kar liam ta Inrinni khan Covid-19 vangin mi pakhat a thi a, hripui vanga thi pahnihna a ni. Hemi ni vek hian hri kai thar mi 32 hmuh belh an ni bawk. 

Chief minister Biplab Kumar Deb chuan Inrinnia sample 1,908 enfiah zingah mi 3 te an positive tih a sawi a, heng mite nen hian an state-a hri kai hmuh chhuah tawh hi mi 1,964 an tling tawh a ni. Hri kai zinga mi 1,375 chu enkawl dam an nih hnuah damdawiin leh a enkawlna hmun dang aṭangin chhuah tir an ni tawh.