Sikkim-in Hri kai awm avangin Silk Route a khar

Sikkim-a hri kai hmuh chhuah thar mi 29 zinga mi 23 chu East Sikkim-a Rongli-a  General Reserve Engineer Force (GREF) camp-a mi an ni a, hei vang hian sorkar chuan Rongli Bazar leh a chhehvel km 3 bial chu containment zone-ah puangin a khar nghal. 

Kar liam tak kar tir lam khan GREC camp-a awm mi parukin hri an kai tih hmuh a ni tawh a, hei vang hian camp hi containment zone-ah puan a lo ni tawh bawk. Sorkar chuan hri hi mipuiah a darh venthawn thilah Silk Route pum chu a khar a ni. Silk Route hian Rongli aṭanga Bhutan leh China inkar, tri-junction area bul, Kupup ramri thleng a huam a ni. He kawng hi Indian army leh paramilitary force-te chuan Rangpo aṭanga Nathu La kalpawhna atana an hman ber a ni. Hri kai hmuh tharte nen Sikkim-a Covid-19 hmuh chhuah tawh hi mi 147 an awm tawh a, an zinga 81 chu enkawl dam an ni tawh.