Tripura-in zirlaite tan scheme siam

Hripui leng avangin zirna in hrang hrang khar chhunzawm zel a la ni a, hei hian zirna pawh a nghawng tawh hle a, state sorkarte chuan an theih angin TV leh social media kaltlangin online class te an kalpui a ni. 

Tripura sorkar chuan state chhunga zirlaite tan scheme dangdai tak, ‘Ektu Khelo, Ektu Padho’ (Play little, Study little) a siam thar. 

He scheme hi June 25 aṭangin hman ṭan a ni dawn a, SMS leh WhatsApp kaltlangin zirlaite chu learning activity leh project bakah fun leh gaming activity awmna audio leh video te thawn an ni ang. 

Education minister Ratan Lal Nath chuan zirlai naupangte chuan an nu leh pate smartphone hmangin an zir thei dawn tih a sawi a, smartphone hmang lo leh network ṭhat tawk lohnaah chuan SMS hmangin thawn an ni ang, a ti.

Zing tin ni khata an zirlai tur hi thawn ṭhin an ni dawn a ni.