Tripura : Lei chimah mi 3 an thi

Tripura-a Norht Tripura district huam chhung, Kanchanpur sub-division-ah Nilaini khan thing phurtu motorin a zawh laiin steel lei (steel bridge) a chim a, mi pathum an thi a, mi dang pakuain hliam an tuar.

Police-te chuan Nilaini zing khan Laljuri aṭanga Machmara pana tlan, thingtum phurtu truck-in a zawh laiin lei hi a chim a, motor pawh hi a kawrah a tla zui niin an sawi. Hliam tuarte hi Dharmanagar district hospital-ah hruai nghal an ni.

He steel lei hi an siamna a rei tawh a, kum eng emaw chen chu thawmṭhat lohin a awm tawh a ni. Tualchhung mite'n a lei hi a hlui tawh bakah, motor hian thil a phurh rih avangin a zawh chim ta niin an sawi.