Guwahati-a Marwari Hospital-in home care servive kalpui ṭan

Guwahati-a Marwari Hospital chuan June 1 aṭang khan mipuite tana awlsam zawkna turin scheme thar pahnih an kalpui ṭan. Heng scheme tharte hi 'Home Sample Collection' leh 'Home Care Service' tih a ni.

Marwari Hospitals general secretary, RS Joshi chuan heng scheme pahnihte hi mipuite tana thiltih a awlsak zawkna tura siam an nih thu a sawi. Hun rei tak mipui lam aṭangin siam tura ngenna pawh an lo dawng tawh a, an tihlawhtling thei ta tih a sawi.

Scheme thar, 'Home Sample Collection' hnuaiah hian Marwari Hospital doctor-te chuan thisen, zun leh ek sample lak ngai, damdawi-in lama kal harsate chu an inah kalin sample hi an la ṭhin dawn a ni. Hei hi damlote tan a ṭangkai dawn hle a ni.

'Home Care Service' scheme hnuaiah in lam damlo te en turin doctor leh nurse-te chu koh theih reng an ni dawn a, he service hi 24x7 service a ni ang. Doctor-te chu zan dar 9 aṭanga a tuk zing dar 8 thleng an service dawn a, nurse chu in lamah koh theih reng an ni ang.