AP-a inbeihnaah NSCN-IM hel paruk kap hlum

Indian Army, Assam Rifles leh Arunachal Pradesh police-ten joint operation an neihnaah kar liam ta Inrinni khan Longding district-a Nginu bulah NSCN-IM hel paruk an kaphlum. 

Defence PRO Sumit K Sharma chuan, NSCN-IM hel an awm thu an dawn avangin security force-ten joint operation an nei nghal a, sipaite an lo hmuin helho hian an awmna aṭangin an lo kap a, an tlanchhe zui nghal niin a sawi. Mahse sipaite hian umzuiin, hel paruk chu an kap hlum tih a sawi a ni. 

An inkahnaah hian Assam Rifle sipai pakhatin hliam an tuar bawk a ni. Sipaite hian helho kut aṭang hian rifle paruk leh a mu bakah puak thei thil dang eng emaw zat an man bawk niin a sawi.