Irom Sharmila-i'n politics chawlhsan dawn

Manipur human rights activist Irom Sharmila chuan politics chu a la chawlhsan tur thu leh, Armed Forces (Special Powers) Act hlih a nih theih nana a beihzel tur thu Inrinni khan a puang.

Sharmila hian Thoubal bialah chief minister Okram Ibobi Sing a khing a, hnehna a chang zo lo a, vote 90 chiah a hmu a ni. Result puan a nih hnuah politics ala chawlhsan tur thu a puang a, amah vote-tute chungah lawmthu a sawi a ni. Sharmila chuan politics a chhuahsan a nih pawhin AFSPA hlih a nih theih nan a bei zel dawn tih sawiin, amah thlawp zel turin a ngen. 

Hetihlai hian a party din, People’s Resurgence and Justice Alliance (PRAJA) chu a kalzel tur thu sawiin, an kal zelna turah duhsakna a hlan. Hei bakah hian mi pangai nun anga nun ve tawh a duh thu a sawi bawk.