Arunachal Finance Minister-in budget a pharh

Arunachal Pradesh finance minister Chowna Mein chuan kar kalta Zirtawpni khan kum 2017-18 atana state budget a pharh a, state sum indaih lohna chu cheng vaibelchhe 285 a ni.

Minister Mein chuan,“Kum 2016-17 chhunga state Gross State Domestic Product (GSDP) chu cheng vaibel­chhe 21,414 a ni. Kum 2015-16 aia 2016-17 chhunga state sorkarin central tax a dawn chu cheng vaibelchhe 7075.58 aṭangin cheng vaibelchhe 8388.3-ah a pung a ni" a ti. Sorkar kum thara state sorkarin chhiah aṭanga sum a hmuh theih beisei zat chu cheng vaibelchhe 650.63 a nih thu sawiin, kum kalta aia a punna tura beisei chu 21.59% a ni, a ti. Hetihlai hian non-tax revenue aṭanga, kum 2016-17 chhunga sum hmuh beizei zat chu cheng vaibelchhe 506.79 a ni,a ti bawk.

Aruanchal hian kum 2017-18 chhungin revenue receipt cheng vaibelchhe 14,599 a dawng dawn a, capital receipt cheng vaibelchhe 1,436.75 a dawng dawn bawk a ni. Hei hi sorkar kum kalta aia a tamna chu 15% a ni a, central tax aṭanga a sum hmuh chu a pun rin a ni bawk.