Manipur-ah bomb a puak leh

Manipur khawpui, Imphal-ah Ningani zan khan bomb a puak leh. Tun kar tir lam khan Imphal-ah hian bomb puak vangin mi pakhat a lo thi tawh a ni.

Bomb puahna hmun hi Imphal East district-a Wangkhei Khunou, Raj Medicity neitu Haobijam Rajen chenna in bulah a ni. Bomb puak hian two-wheeler pakhat a tichhia a, thil dang tihchhiat lian tham erawh a nei lo.

Wangkhei MLA Thangjam Arunkumar chu bomb puahna hmunah hian kalin thil awmdante a enfiah nghal a, pawikhawihna thleng chu a dem thu a sawi.

Imphal East police team leh forensic expert-te pawh thil awmdan enfiah tura tirh nghal an ni bawk.