February 14-ah Manipur Assembly budget session

Manipur Legislative Assembly budget session chu February 14-28 chhungin neih a ni dawn. 

Assembly speaker Yumnam Khemchang kaihhruaia Business Advisory Committee (BAC) meeting chuan budget session neih hun tur hi a rel a ni. He meeting-ah hian chief minister N Biren Singh pawh a tel. 

BAC meeting zawhah, state assembly secretary chuan budget session neih tur chungchang hi tichhuakin, session ṭan­ niah state Governor chuan house-ah thu a sawi ang. Session chhung hian rorel ṭhutkhawm ṭum 11 an nei hman dawn a ni.

Chief minister Singh chuan budget esti­mates 2020-21 leh supplementary demands a pharh dawn a, hei hi BJP kaihhruai ṭangrual sorkar hnuaia budget pharh ṭum lina tur niin, CM in a pharh hmasakna ber tur a ni bawk. 

Budget hmasa pathum chu deputy chief minister Y Joykumar Singh-an a pharh a ni.