Manipur-ah Congress sorkar a ding leh dawn: TN Haokip

Manipur Pradesh Congress Committee (MPCC) President TN Haokip chuan a term li-na atan Manipur-ah Congress sorkarna a ding leh dawn niin a sawi.

MPCC President Haokip chuan, "Sorkarna siam turin party dang kan thawhpui dawn a, Congress kaihhruai sorkar a ding leh ngei dawn a ni" a ti. Hemi tur hian party dangte pawh inbiakna an neihpui tawh tih sawiin, an party hming erawh a tarlang lo. Congress party chuan Naga People's Front (NPF) leh BJP-te a thawhpui ngai lo tih sawiin, an thawhpui turte chu party dang an nih thu a sawi. 

Heng party pahihte thawhpui lo hian sorkarna an siam thei tih sawiin, sorkar thar din a ni thuai dawn a ni, a ti. Haokip chuan BJP leh NPF-te chu bei zuiin, party pahnih hian bial ṭhenkhatah Naga hel, National Socialist Council of Nagaland - Isak-Muivah NSCN(IM)-te an thurualpui niin a sawi. Congress sorkar chu hela chetna leh, sum hmanga paihthlak theih an ni lo tih a sawi bawk.

Congress leh BJP-te'n party mala sorkarna an siam theih loh avangin, Naga People’s Front (NPF), National People’s Party (NPP), Lok Janshakti Party (LJP), All India Trinamool Congress (AITC) leh Independent MLA-te sukthlekin kawngro nasa takin a su dawn a ni. Tarlan dan chuan Congress party chuan NPP leh AITC-te inbiakna a neihpui tawh a, an pawm leh pawm loh tarlan a ni lo thung.