Bodo-te'n Chaw nghei kalpui mek

Assam-a Bodo hnamte chuan sorkar laka an thil phut a hlawtlin theih nan chaw ngheia nawrh an kalpui mek.

All Bodo Students Union (ABSU), National Democratic Front of Bodoland-(Progressive) leh People Joint Action Committee for Bodoland Movement (PJACBM)-te hmalaknain chaw ngheia nawrh hi hi kalpui a ni. Bodo-te hian hun rei tawh tak aṭangin state hran pek an phut a, hemi chungchang hi Assam sorkar leh sorkar laipuite chu chingfel thuai turin an nawr a ni. 

An thil phut hi a hlawhtlin hma loh chuan chaw nghei an kalpui tur thu leh, medical lama enkawlna pawh an dawn loh tur thu an sawi. ABSU President Pramod Bodo chuan chaw ngheia sorkar nawrtute chu mi 2,000 vel zet an nih thu a sawiin, Kokrajhar leh Bodo Territorial Area Districts (BTAD) huamchhung hmun ṭhenkhatah kalpui a ni, a ti.