Arunachal zirlaiin Bengaluru-ah beih a tawk

Tun hnai khan Aruna­chal Padesh zirlai pakhat chuan Bengaluru-ah beih a tawk a, he thil thleng hi Karnataka Chief Minister K. Siddaramaiah chuan a dem thu Pathianni khan a sawi.

Hmarchhak zirlai Higio Guntey hi March 5 khan a inluah neitu pheikhawk liak tura tih luih a ni a, kut thlak a ni bawk. Hemi chung­changah hian thubuai ziahluh nghal a ni a, chhui zui mek a ni. Hmar­chhak zirlai chunga thil thleng chu Karnataka CM Siddaramaiah chuan pawi a tih thu sawiin, pawikhawihtute chu man chhuah ngei an nih tur thu a sawi. He thil thleng hi Minister of State for Home Affairs Kiren Rijiju pawhin a dem tak zet thu sawiin, ram mipuite inpumkhatna tichhe thei a ni, a ti.

Higio Guntey hi Christ University-a fourth-semester zirlai a ni a, a inluah neitu hi He­manth Kumar a ni tih hriat chhuah tawh niin, chhui zui mek a ni.