Sharmila-i'n Kerala-ah chawlh hmang

Manipur human rights activist Irom Sharmila-i chuan Thawhlehni khan Kerala a thleng a, Attapadi-ah thla khat chhung a pian champha phak lawmin hun a hmang dawn.

Sharmila hian a kum 45 tlin lawmna hmang tur hian Kerala a pan a, hun eng emaw chen chawlh a hmang dawn tih a sawi. Sharmila chuan Kerala mipuiten an lo lawmna vangin a lawm hle tih a sawi a, thingtlang khaw nuam takah chawlh hmanga hun a hmang thei tur chuan a phur hle tih a sawi. 

Manipur assembly election neih zawh takah khan Sharmila hian Thoubal constituency Chief Minister Okram Ibobi Singh a khing a, hnehna a chang zo lo. A party din People’s Resurgence and Justice Alliance chuan seat khat mah an la lo a ni. Sharmila chuan BJP chuan sum uchuak takin an hmang tih a sawi a, Congress party pawh an bang bik lo niin a sawi.