Tripura-ah BJP leh TMC-te intibuai

Tripura khawpui Agar­tala-ah Thawhṭanni zan khan Bharatiya Janata Party (BJP) leh Trinamool Congress (TMC) worker-te inkarah buaina a chhuak a, mi eng emaw zatin hliam an tuar.

He buaina chhuaka hliam tur zingah hian police officer panga leh journalist pali an tel. West Tripura district police chief Abhijit Saptarshi chuan, BJP leh TMC hruaitu ṭhenkhat pawhin hliam an tawrh thu sawiin, an zingah hian state BJP Vice President Subal Bhowmik leh TMC hruatu Panna Deb-te pawh an tel a ni, a ti. BJP Mandal Presi­dent Jayanta Dey chu TMC hruaitu Sudip Roy Barman-a unaupa kut thlakah puh a ni a, heta ṭang hian buaina hi a inṭan a ni, a ti. Police leh Tripura State Rifles (TSR)-te chuan buaina chhuahna hmun hi an pan nghal a, an chingfel thei a ni.

Tripura Journalists Union General Secretary Pranab Sarkar chuan he thil thleng hi an dem thu sawiin, journalist-te chunga pawikhawihna thleng chu an dem thu a sawi. Hliam turte hi hos­pital-ah dahluh nghal an ni.