Arunachal Assembly-in 2017-2018 budget pass

Arunachal Pradesh Assembly chuan kum 2017-18 atana state budget chu Nilaini khan a pass.

Budget hi ni hnih sawiho a nih hnuah voice vote hmanga pass a ni. Finance changtu Deputy Chief Minister Chowna Mein chuan budget hi a pharh a, house-ah sawiho a nih hnu­ah pass a ni ta a ni.

Chief Minister Pema Khandu chuan budget pass a ni ta chu lawmawm a tih thu sawiin, agriculture leh horticulture lam ngaih pawimawh a ni thu a sawi. Sorkar kum thar aṭanga Organic mission kalpui a nih tur thu sawiin, April-a a hawnna neih turah Union minister tel tura beisei a ni, a ti.

CM Khandu chauan Infor­mation Technology lamah chak zawka hma lak a nih tur thu sawiin, eirukna hluar zel tur veng turin IT lamah hmasawn a ngai a ni, a ti. Advance Lan­ding Ground (ALG) leh Airport-te chu chei ṭhat a nih tur thu a sawiin, entrepreneurhip lamah nasa zawka hmalak a ni ang, a ti bawk. Assembly budget session hi Speaker T Norbu Thongdok chuan a titawp a ni.

AP hian kum 2017-18 bud­get atan cheng vaibelchhe 16,035 a dah a, sorkar sum indaih lohna hi cheng vaibelchhe 689.28 a ni.