Assam tuilianin ziaawm lam pan tawh

Assam state-a ruahsur nasa avanga hmun hrang hranga tuilian chuan ziaawm lam a pan tawh a, hetih lai hian tuilian avanga harsatna tawk hi mi 68,000 vel an la awm.

Assam State Disaster Management Authority (ASDMA) chuan sate chhung lui tuite chu an kam ṭan tawh a, hlauhawm chhinchhiahna pel an awm tawh lo tih a tarlang.

Hetih lai hian tuilianin a nghawng, harsatna tawk hi district panga, Cachar, Dima Hasao, Kamrup Metropolitan, Morgaon leh Nagaon-ah mi 68,000 vel an la awm mek.

Tuilian tuarte tana sorkarin awmna a siam, relief camp pawh pali siam a la ni a, heng hmunah hian mi 705 an la khawsa mek a ni. Relief distribution centre pawh pathum siam a la ni bawk.

Kumina Assam-a tuilian leh leimin vanga thi hi mi 38 an tling tawh a ni.

Tuilian leh leimin hian state chhung hmun hrang hrangah inkalpawhna pawh a tichhe nasa hle a, sorkar chuan kawng chhiate siamṭhat hna chu ngawrh taka thawh mek zel a nih thu a sawi. Tuilian vanga chhiatna tuar nasa ber district, Dima Hasao district-a harsatna tawkte chhawmdawlna leh, thil chhiate siamṭhatna atan state sorkar chuan Rs vbc 50 a pek tur thu pawh alo puang tawh bawk.