Sikkim-in state butterfly atan Blue Duke puang

Sikkim sorkar chuan nimina World Environment Day an hmanah, an state butterly atan Blue Duke a puang.

State butterfly atana puan tur hi online hmangin vote lak a ni a, Bule Duke hian vote tla aṭangin 57% a hmu pha a ni. Krishna Peacock (Papilio krishna) chu vote hmu tam ber dawt a ni.

Bassarona durga tih bawk, Blue Duke hi Sikkim leh Easter Himalayas-te a awm a, Sikkim-ah hian kum 1858 khan hmuh a ni. Wildlife Protection Act, 1972 Scheduled 2 hnuaiah Blue Duke hi awmin humhalh tlat a ni. Blue Duke hi Himalaya-a altitude, meter 1,500 hnuai lamah hmuh niin, Sikkim-ah hian South Sikkim leh West Sikkim-ahte an awm ber.

Gangtok-ah motor intlanchhawk dawn

Sikkim khawpui, Gangtok-ah chuan vawiin aṭangin private motor bik chu number kawpkim leh kawplim lo intlanchhawk, odd-even system an hmang ṭang dawn.

Sikkim transport department chuan odd-even system hi traffic lam enkawlna ṭha zawk awmna tura siam an nih thu a sawi. He system hi Gangtok-a Municipal area huam chhungah chauh hman a ni ang.