Arunachal Police-ten on-spot digital payment hmang

Arunachal Pradesh police-te chuan an state khawpui, Itanagar-ah traffic dan bawhchhiaten an sum chawi tur an pek nghal theihna, on-spot digital payment an hmang ṭan.

Itanagar-a traffic police-te chuan motor vehicle challan-te hi unified payment interface (UPI) - Google Pay, Paytm,etc leh card-swiping machine hmangtein an dawng thei tawh a ni.

Capital superintendent of police Jimmy Chiram chuan UPI leh portable ATM hmanga challan an dawn hian langtlang taka thil kalpui a nih bakah, mipui tan pawh a awlsam phah a ni, a ti.

Inrinni liam ta khan Capital traffic police-te Itanagar leh Naharlagun-ah motor enfiah runpui an nei a, hemi ni hian traffic rules bawhchhiate sum chawi tlingkhawm chu RS nuai 3.29 a tling. Document nei lo/keng lo motor 38 an man bawk.