Manipur-ah IS nia rinhleh pahnih man

Assam Rifles-te chuan Islamic State (IS) firfiak nia rinhlelh mi pahnih te chu Manipur-ah man an nih thu Ningani khan an tarlang.

Heng mi pahnihte hi March 14 khan Khu­dengthabi-a border checkpost-ah man an ni a, Moreh aṭangin state khawpui Imphal pan an tum nia hriat a ni. Police-te chuan an mi man - Nazir Mohammad leh Abu Bakir-te hi Tamil Nadu aṭanga lo kal an nih thu an sawi. An kut aṭang hian SIM card 14, mobile phone leh India pawisa cheng 75,130 an man bakah, ram dang pawisa ṭhahnem tak an man tel bawk. 

Heng mite hian March 9 khan Kolkata aṭangin Assam an pan a, March 10 khan Dimapur railway station aṭangin Manipur an pan leh tih an sawi. An inpuanna aṭangin Ma­nipur an tlawh ṭum hnihna nia tarlan a ni.