Rijiju-a'n hma la turin Karnataka CM a ngen
Minister of State for Home Affairs Kiren Rijiju chuan Karnataka Chief Minister Siddaramaiah chu Aruanchal Paradesh zirlai Higio Gungtey (22) kutthlak a nih chungchangah hma la turin a ngen.
Arunachal-a zirlai pakhat chu March thla tir lam khan a inluah neitu pheikhawk liak tura tih a ni a, nasa taka kutthlak a ni bawk. He thil thleng hi Rijiju chuan a dem thu a lo sawi tawh a, pawikhawihtu man chhuak tur leh, dan anga hrem an nih ngei theih nana chak zawka hma la turin Karnataka CM a ngen a ni. Rijiju chuan Bengaluru police-te chu chak zawka hma la turin a ngen bawk a, hmarchhak zirlaiten himna ngai pawimawh turin a ngen. He thil thleng chungchangah hian Union Home ministry pawhin, Karnataka sorkar chu hma la thuai turin a lo hriattir tawh a ni.