Meghalaya-ah Zirna bansan an tam

Meghalaya education minister Deborah C Marak chuan, kum li kalta chhungin school bansan, zirlai mi nuai khat chuang state chhungah an awm tih House a hrilh.

Assembly session-ah hemi chungchang hi education minister C Marak chuan sawi chhuakin, zirlai ṭhenkhat chu chhungkaw harsatna avang te, awmhmun sawn avang te leh chhan hrang hrang vanga zirna-in chhuahsan te an nih thu a sawi. Minister chuan zirlai zingah chhungkaw harsatna avang zirna chhunzawm thei lo an tam tih a sawi. Meghalaya-ah hian kum 2013-14 chhungin zirna-in chhuahsan mi 33,557 an awm a, 2014-15 chhungin 31,276, 2015-16-ah 14,957 leh, 2016-17 chhungin mi 17,299 an awm a ni. West Khasi Hills district chu school naupang, zirna-in chhuahsan tamna ber niin mi 4508 an awm a, Jaintia Hills and Ri-bhoi district (1440)-in an dawt a ni.

State sorkar chuan special training centre din a tum tih education minister chuan sawiin, naupang tam takin zirna-in an bansan ṭhin titlem turin hmalak tum a ni, a ti. Zirlaiten harsatna an tawh lohna turin local language a tam thei ang ber hman tum a ni a ti a, midday meal bakah, zirlaite chu a thlawna zirlaibu pek tum an ni, a ti. Nu leh pa te hnenah zirna pawimawh zia a tam thei ang ber inhrilhriatna nei turin ruahmnna siam a ni a, zirna-inah te awarness neih a nih tur thu minister chuan a sawi bawk.